Silenziu,
passa la matri addulurata,
cerca lu figliu amatu
ca si purtaru ccu na vasata.
Silenziu,
tra li vaneddi di lu paisi,
c'è Giuvanni c'accumpagna,
cercannu Cristu ntutti li chiesi.
Silenziu,
si senti lu chiantu,
si chiusiru li porti
a la matri du cori affrantu.
Silenziu,
na spata nnu cori
e u fazzulettu nmanu
ppi salutari lu figliu ca mori.
Silenziu,
la genti ccu rispettu
accumpagna Addulurata
battiennusi lu piettu.
Silenziu di duluri.
lacrimi d'amuri
