A LA SICILIA MIA

E si sta terra spissu havi svinturi
però non perdi mai la puisia,
ed è balsamu a tutti li duluri
lu suli ca ni duna l'alligria.
Perciò iù comu l'edira a lu muri
sugnu attaccatu a st'isulidda mia,
e mancu si mi fannu 'imperaturi
cu n'autru regnu iù la cangirìa.
E siddu 'n jorni mi n'avissi a ghiri
sarrìa comu n'aceddu 'ntra li riti,
o comu 'n pisci 'ntra l'aria suspisu;
e quannu veni l'ura di muriri
nuddu cunfortu darimi putiti,
pirchì lu lassu ccà lu paradisu.

Francesco Guglielmino
(professore universitario e poeta siciliano, 1872-1956)
(da CIURI DI STRADA, Catania 1922)

TRADUZIONE : -- E se questa terra spesso subisce sventure/ però non perde mai il senso della poesia/ ed è balsamo a tutti i dolori/ il sole che ci dona l'allegria./ Perciò io, come l'edera sui muri/ sono attaccato a questa mia isoletta/ e neppure se mi fanno imperatore/ non lo cambierei con un altro regno./ E se un giorno io dovessi andar via/sarei come un uccello dentro le reti/ o come un pesce sospeso in aria; e quando verrà l'ora di morire/ non mi potrete dare alcun conforto/ perché il paradiso lo lascio qui --.