Giancarlo e Katia Sposi

Ultimi post pubblicati

martedì 22 maggio 2018

Lu scruscio di 'na vasata

Lu sapiti chi scruscio fa 'na vasata?

Fa lu scruscio di milli ciancianeddi,
di milli coccia d'acqua caruti da 'ncelu,
di centu cannati chini di diamanti,
di centu viulina e di milli cantanti.

'Sti vasati fannu 'stu scrusciu
quannu si dùnanu cu disideriu,
cu passioni, cu amuri, cu affettu,
tràsinu 'nta lu cori,'nta lu pettu.

Cchiù forti è lu scrusciu
cchiù duci è la vasata
e lu sapuri resta
pi tutta la jurnata.

Cc'è la vasatedda,
la vasata e la vasatuna,
la megliu è chidda
quannu cu amuri si duna.

'Na vasata rata di matina
fa tantu scrusciu
ca s'addiviglia
puru la vicina.

Cu 'na vasata data sutta li cuperti
senti la musica di milli cuncerti.
Cu 'na vasata data cu tutti li sentimenti
senti tutti li campani di lu continenti.

Si nun ci criditi
facìti la prova,
'na vasata cu lu scrusciu
la vita vi rinnova.

2 commenti:

UIFPW08 ha detto...

Bella complimenti Angelo.
Maurizio

Erika ha detto...

Ma l'hai composta tu, Angelo? Bravissimo! Nel complesso ho capito anche se il tuo dialetto è difficile.

LinkWithin

Related Posts Plugin for WordPress, Blogger...